Nəticələr 23.00-da açıqlanacaq
Sentyabrın 15-də günün sonuna kimi prezident seçkilərinin nəticələri açıqlanacaq. Bu barədə məlumatı jurnalistlərə açıqlamasında Mərkəzi Seçki Komissiyasının sədri Məzahir Pənahov verib("OLAYLAR"İA). Onun sözlərinə görə, seçki məntəqələrində səsvermə prosesi səhər saat 08:00-da başlanacaq və saat 19:00-a kimi davam edəcək. 19:00-da səsvermə prosesi başa çatsa da, məntəqələrdə olan seçicilərin səs verməsinə heç kim mane ola bilməz. Həmin şəxslər normal səs verəcək. Amma 19:00-dan sonra səsvermə məntəqəsinə səs vermək üçün gələnlərin daxil olmasına qadağa qoyulacaq". Məzahir Pənahov bildirib ki, səsvermənin nəticələri həmin gün elan olunacaq: "Səsvermə prosesi 19:00-da başa çatacaq və dərhal səslərin hesablanmasına başlanacaq. Təxminən 19:30-da səyyar səsvermə qutularındakı səslər hesablanıb başa çatdırılacaq. Ümumi proses isə təxminən 22:00-da başa çatacaq. Saat 23:00-da səsvermənin nəticələri açıqlanacaq".